АҞӘА, жәабран 24 - Sputnik. Аԥсны адәныҟатәи аусқәа рминистр Инал Арӡынбеи Чечентәыла Ареспублика ахада Рамзан Кадырови еиԥылеит ҳәа аанацҳауеит АДәАР амедиацентр.
Аԥсны ахада Аслан Бжьаниа иҟаиҵаз изеиӷьашьарақәа ртәы еиҭеиҳәеит аминистр.
Арӡынба Грозныиҟа ицара Урыстәыла Донбасс имҩаԥнаго арратә операциа ҷыда алагара амш иадҳәалоуп. Аԥсны АДәА рминистр дырԥылеит амаҵзура ҷыда "Аҳмаҭ" акомандири, Урыстәыла Афырхаҵа Апти Алаудинови, арратә операциа алахәылацәеи аветеранцәеи.