Жәабран 26 инаркны хәажәкыра 3 рҟынӡа Аԥсны имҩаԥысуа акультуратә хҭысқәа - Sputnik Аԥсны аматериал аҿы.
Аԥсуа драматә театр
Самсон Ҷанба ихьӡ зху Аԥсуа драматә театр аҿы жәабран 26-27 асааҭ 19:00 рзы аспектакль"Иареи лареи" (Дырмит Гәлиа "Арԥызбеи аԥҳәызбеи рысаламшәҟәқәа"). Арежиссиор - Мадина Аргәынԥҳа.
Аԥсуа ҳәынҭқарратә аҿар ртеатр
Жәабран 28 асааҭ 19:00 рзы аспектакль "Аамысҭа уаажәлар ирылахәу асиниор". Афырхаҵа хада, асиниор Папагатто апсихологиа амаӡақәа идыруеит, ибаҩхатәра ихы иаирхәоит.
РУСДРАМ
Жәабран 27 сааҭ 19:00 рзы "Акокаини сареи ҳроман”. Арԥыс қәыԥш иԥсҭазаара иацу аинҟьеиныррақәеи ашаҟьшаҟьарақәеи рҭоурых.
Жәабран 29 асааҭ 19:00 рзы – "Мама" (Флориан Зеллер).