Агәабзиарахьчара аминистр Едуард Быҭәба идикылеит афонд “Ашана” аиҳабы Мактина Џьынџьалԥҳа, ахәыҷқәеи ахбыџқәеи рҳақьым-психиатр Оксана Мельникова, аҳақьым-психиатр Гванца Маҷавариани. Уаҟа иалацәажәеит ахәыҷқәа рпсихикатә ҭагылазаашьа аҭҵаареи ахәыҷтәы психиатриатә ҟәша аартра аларшареи ртәы.
Мактина Џьынџьалԥҳа лажәақәа рыла, ахәыҷқәа рпсихика аҭҵаара аус иацҵоуп. Урыстәылантәи аҳақьым раионцыԥхьаӡа ахәыҷқәа лыдылкылалоит. Ҵыԥх ҩымчыбжь ирылагӡаны агәаҳәара зауз зегьы рыдкылара дахьымӡаӡеит ҳәа азгәалҭеит лара.
Инеиҵыху аиҿцәажәара шәазыӡырҩыр шәылшоит аудиофаил аҿы.