АҞӘА, жәабран 28 - Sputnik. Урыстәылантәи Аԥсныҟа "иаку" абилеҭ аҭира иалагеит. Апассаџьырцәа рымҩангара иалагоит мшаԥы 30 инаркны ҳәа аанацҳауеит Урыстәыла атранспорт аминистрра .
Адлер аихамҩа авокзали Шәача аҳаирбаӷәазеи рҟынтәи ауаа автобус маҷқәа рыла имҩаныргоит Аԥсны хә-қалақьк рахь: Гагра, Пицунда, Гәдоуҭа, Афон ҿыц, Аҟәа.
"Иаку" абилеҭ "адәыӷба + автобус" ахарҭәаара ҟалоит "Афедералтә пассаџьыртә еилахәыра" амаҵзурақәа иртәу иахьакәзаалак аихамҩатә вокзал аҟни Урыстәылатәи Аихамҩақәа асаит аҟни.
Абилеҭ "аҳаирплан + автобус" хадырҭәаауеит атуристтә мҩақәа рмаҵзурақәа ркаcсақәа рыҟны иара убас онлаинла аҳаирбилеҭқәа раахәара амаҵзурақәа рҟынтәи.