АҞӘА, хәажәкыра 5 - Sputnik. Амилаҭтә кьыбачымазаратә хәшәтәырҭа аҳақьым хада Лев Аргәыни, ҽынлатәи астационар аиҳабы Нелли Лагәлааԥҳаи, ахимиотерапиа аҟәша амедиеҳәшьа хада Лариса Кәакәасқьырԥҳаи рганахьала ахәшәтәырҭа аԥарақәа еимырҵәеит ҳәа ашьаус ахәаԥшразы Аҟәатәи аӡбарҭахь инашьҭуп, абри атәы аанацҳауеит Апрокуратура хада апресс-маҵзура.
Аус аматериалқәа рыла 2017 шықәса жәабранмза инаркны 2020 шықәса ԥхынгәымзанӡа Аргәыни, Лагәлааԥҳаи, Кәакәасқьырԥҳаи акьыбачымазара змоу рыхәшәтәразы зыхә дуу - 1 612 256 мааҭ рыхә ахәшәқәа рӷьычуан ҳәа ахара рыдырҵоит.
Иара убасгьы, Аргәын имаҵзура ихы иархәаны Лагәлааԥҳаи Пархоменкои ицырхырааны аусԥаршеиқәа мҩаԥигон ҳәа ахара идырҵоит.
2023 шықәса жьҭаарамзазы Лев Аргәын атәыла ахадара, Апарламент, агәабзиарахьчара аминистрра рахь иаартны аҳәамҭа ҟаиҵеит, Аиааира 30 шықәса ахыҵра иазкыз азаҭ ишаҵанакыз азы, аха дара уи ишақәшаҳаҭым, избанзар ахара рыманы ирԥхьаӡом.