Амузыка ашьҭыбжьқәа: Жәлар рарҳәагақәа аҳәынҭоркестр аконцерт мҩаԥысит Аҟәа

Оҭар Хәынҵариа ихьӡ зху Жәлар рарҳәагақәа роркестр аҳасабырбатә концерт мҩаԥнагеит Аԥснытәи аҳәынҭқарратә филармониаҟны.

Ахәаԥшцәа рзы инарыгӡеит аԥсуа жәлар реиԥш, Кавкази адунеи ажәларқәеи рмелодиақәа. Аоркестр инанагӡоз амелодиақәа ашәа ацырҳәеит аԥсуа естрада ашәаҳәаҩцәа.

2016 шықәсазы иаԥҵаз ари аколлектив аҟны ихәмаруеит Аҟәатәи аҳәынҭқарратә акультуратә ҵараируҭа аушьҭымҭацәеи астудентцәеи. Аоркестр анапхгаҩы - Аԥсны зҽаԥсазтәыз акультура аусзуҩ Денис Арухаа.

Аоркестор ахықәкы хада - жәлар рашәақәеи рмузыкеи амилаҭтә рҳәагақәеи реиқәырхара.

1 / 14

Оҭар Хәынҵариа ихьӡ зху Жәлар рарҳәагақәа роркестр ықәгылеит Аҟәа.

2 / 14

Аҳасабырбатә концерт мҩаԥысит Аԥснытәи аҳәынҭқарратә филармониаҟны.

3 / 14

Ахәаԥшцәа рзы инарыгӡеит бзиа еицырбахьоу амелодиақәа реиԥш иҿыцу акомпозициақәагьы.

4 / 14

Аколлектив шьақәгылоуп ҩажәаҩык рыла.

5 / 14

Урҭ рахьынтә жәохәҩык амилаҭтә рҳәагақәа рыҟны иҳәмаруеит, хәҩык - аестрадатә.

6 / 14

Артистцәа инарыгӡеит аԥсуа жәлар реиԥш, Кавкази адунеи ажәларқәеи рмелодиақәа.

7 / 14

Аоркестор алахәыла дыхәмаруеит ажәытә аԥсуа милаҭтә рҳәага аԥхьарца аҟны.

8 / 14

Жәлар рарҳәагақәа роркестр аԥҵан 2016 шықәсазы Аԥснытәи аҳәынҭқарратә филармониа ашьаҭала.

9 / 14

Аоркестр анапхгаҩы - Аԥсны зҽаԥсазтәыз акультура аусзуҩ Денис Арухаа.

10 / 14

Аоркестр шьақәгылоуп жәлар рарҳәагақәа аԥхьарца, аԥхьарца ду, ачамгәыр, ахымаа, аҿарпын, адаул, амарзакан, аҟьаԥҟьаԥ уҳәа рыла.

11 / 14

Аоркестор ахықәкы хада - жәлар рашәақәеи рмузыкеи амилаҭтә рҳәагақәеи реиқәырхара.

12 / 14

Апрограмма асасацәа - Алиас Абыхәба, Џьыми Шәманиа, Сариа Аииԥҳа.

13 / 14

Аоркестр ихьӡ ахуп Аԥсны Жәлар артист Оҭар Хәынҵариа.

14 / 14

Аконцерт рбарц иаҭааз амузыка абзиабаҩцәа, азал дырҭәит.