АҞӘА, хәажәкыра 15 – Sputnik. 2024 шықәсазы Аԥсны ареспубликатә биуџьет аҟынтәи аенергетика ацхрааразы 160 миллион мааҭ азоурыжьуеит ҳәа Sputnik иазеиҭеиҳәеит афинансқәа рминистр Владимир Делба.
"Ҳгәы иаанагоит арҭ аԥарақәа аенергетика аусхк иахәап ҳәа, атәыла егьырҭ имҩаԥнаго ацхырааратә формақәа инарываргыланы. Иара убасгьы Урыстәылатәи Афедерациа аҟынтәи ҳколлагацәеи ҳареи еиуеиԥшым азҵаарақәа аус рыдаауылоит, аԥареизгара аизырҳара, аҭаҩгатә хархәагақәа рықәыргылара ҳалацәажәоит. Аусхк аҿиаразы ауснагӡатәқәа ркомплекс алҵшәақәа аанашьҭроуп. Уи даара ҳақәгәыӷуеит", - ҳәа иҳәеит Делба.
Ииасыз ашықәс азы аенергосистема иазоужьын 200 миллион мааҭ, аха аҳәынҭқарра Урыстәылантәи иаарышьҭуаз афымцамч ахә ашәаразы аҽа 700 миллион мааҭ ашәар акәхеит.