АҞӘА, хәажәкыра 20 - Sputnik. Аԥсны ахада Аслан Бжьаниа Башкорҭосҭан ахада Ради Хабиров иирамш идиныҳәалеит. Абри атәы аанацҳауеит атәыла ахада ипресс-маҵзура.
"Агәра згоит, ҳамчқәа еилаҵаны аԥхьаҟа еиуеиԥшым ахырхарҭқәа рыҟны аԥсуа-башкир усеицура аҿиара шаиуо", - ҳәа иҳәеит Бжьаниа.
Аԥсны ахада иазгәеиҭеит Хабиров инапхгарала Башкорҭосҭан економикалеи социаллеи аҿиара амҩа ишану. Изеиӷьеишьеит агәабзиара, агәамч, аԥхьаҟагьы аҳәынҭқарратә усқәа рыҟны аихьӡарақәа.