АҞӘА, хәажәкыра 21 - Sputnik. Аԥсны ахада Аслан Бжьаниа Урыстәыла адәныҟатәи аусқәа рминистр Сергеи Лавров иирамш идиныҳәалеит. Абри атәы аанацҳауеит ахада ипресс-маҵзура.
Атәыла ахада иазгәеиҭеит адипломат аԥсуа-аурыс еизыҟазаашьаҿ илшамҭа дуқәа.
"Шәара Аԥсны Аҳәынҭқарра ажәлар рыҳаҭыри рыбзиабареи шәыҽрыԥсашәтәит", - ҳәа аҳәоит адныҳәалараҟны.
Бжьаниа Лавров изеиӷьеишьеит агәабзиара, агәамч, Аԥсадгьыл амаҵ аураҿы аихьӡарақәа.