АҞӘА, хәажәкыра 22 - Sputnik. Аԥсны Аминистрцәа реилазаараҟны аенергетика азҵаарақәа ирызкны аилацәажәара мҩаԥысит ҳәа аанацҳауеит Аминистрцәа реилазаара апресс-маҵзура.
Аусутә еиԥылара иалахәын аԥыза-министр актәи ихаҭыԥуаҩ, Аенергетикеи атранспорти рминистр Џьансыхә Нанба, афинансқәа рминистр Владимир Делба, Аекономикатә политикеи, ареформақәеи рзы Апарламент аилак ахантәаҩы Резо Занҭариа, "Амшынеиқәафымцамч" аиҳабы Ҭимур Џьынџьал, уи ихаҭыԥуаҩ, анџьныр хадаҬенгьиз Гырџьынба.
Александр Анқәаб Аенергетикеи атранспорти рминистрра анапы ианиҵеит "Амшынеиқәафымцамчи" дареи 2024 шықәса аҩбатәи аԥшьбараз Аԥсны рхы иадырхәараны иҟоу афымцалашара амҽхак азгәарҭарц.
Аусбарҭақәа иара убасгьы иаздырхиароуп ажәадгалацҵақәа, фымцамчла аиқәыршәараҿы аиԥҟьарақәа раԥыхразы.