АҞӘА, мшаԥы 2 - Sputnik, Бадраҟ Аҩӡба. 60-ҩык аԥсуа спортсменцәа алахәхоит БРИКС ахәмаррақәа, абри атәы Sputnik иазеиҭарҳәеит Аԥсны Аҿари аспорти русқәа рзы аилак аҟны.
Дара аспорт хкқәа 15 рҿы иқәгылоит: абокс, адзиудо, акарате, аишәаԥкьаҭымпыл, асамбо, аплиажтә напылампыл, зых иақәиҭу ақәԥара, атлетика хьанҭа, амҵәышәымпыл, ашахматқәа, астритбол, джиу-джитсу, атхеквандо, абырзен-римтәи ақәԥара, куреш (аҭырқәа милаҭтә еиқәԥара хкы).
Аспорттә хәмаррақәа БРИКС Казань имҩаԥысуеит 2024 шықәса рашәара 12-13 рзы, урҭ ирылахәхоит 50 тәыла рхаҭарнакцәа. Аԥсуа спортсменцәа амилаҭтә бираҟ иаҵагыланы иқәгылоит.