Ааԥынтәи аԥсшьаратә мшқәа раан имҩаԥган ареспубликатә маҭәартә олимпиада 13 маҭәар рыла. Уи иалахәыз ахәыҷқәа рхыԥхьаӡара рацәан ҳәа азгәалҭеит аиҿцәажәараҿы Кәарҷелиаԥҳа.
"Есышықәса 800-ҩык рҟынӡа инаӡоит ахәыҷқәа рхыԥхьаӡара. Уи иаанаго - аҵаҩцәа рыҽԥыршәар рҭахуп. Аҵаразы агәазыҳәара змоу шҳамоу аадыруеит. Даара иааӡоу ахәыҷқәа ҳамоуп, рдыррақәагьы бзианы иаадырԥшит", - ҳәа лҳәеит Кәарҷелиаԥҳа.
Аԥсны аҵара аминистр ихаҭыԥуаҩ иара убасгьы далацәажәеит хаҭала арҵаҩцәа рԥышәа аизырҳара иазырхоу апроектқәа ртәы. Амаҭәар ҿыцла азнагашьа ҳадаҳкылароуп ҳәа азгәалҭеит Кәарҷелиаԥҳа.
Инеиҵыху аиҿцәажәара шәазыӡырҩыр шәылшоит аудиофаил аҿы.