АҞӘА, мшаԥы 8 – Sputnik. Аҟәа аҭыԥ змаз амцакраан аахақәа зауз ахәыҷқәеи урҭ рани Краснодартәи атәылаҿацә аблырсҭатә центр ахь ииагоуп. Абри атәы аанацҳауеит Аԥсны агәабзиарахьчара аимнистрра.
Аҳақьымцәа урҭ рҭагылазаашьа акыр ихьанҭоуп ҳәа иазырԥхьаӡоит.
Аҭаацәара рабгьы, абылраан ааха зауз Шәачатәи ахәшәтәырҭаҿы дышьҭоуп. Иҭагылазаашьа акыр иуадаҩуп.
Дара зегьы иԥсабаратәымкәа ррыԥҳақәа аҳауа рҭазырсуа аппаратқәа рхагылоуп.
Аҟәа, Арӡынба имҩаду 173-тәи аҩны аҟны амцакра ҟалеит мшаԥымза 5 ауха. Заанаҵтәи адыррақәа рыла, амцакра ахҟьеит амца аганахь ала агәҽанымзаара.