АҞӘА, мшаԥымза 10 – Sputnik. Акоммуналтә усзуҩцәа Алаҳаӡы ақыҭа агәамсамкаԥсарҭаҿы иҟалаз амцакра арцәара иалагеит ҳәа ааицҳаит гагратәи "Автонхамҩа ҷыда" аиҳабы Ҭемыр Бигәаа.
"Аԥша еиқәтәеит, уажәшьҭа уахь атехника наган амца анышә ақәҳԥсоит", - ҳәа иҳәеит иара.
Иара иазгәаҭарақәа рыла амш аҽеиҭанамкыр аусурақәа хәылбыҽханӡа ихыркәшахоит.
Алаҳаӡы ақыҭа агәамсамкаԥсарҭа амца акит мшаԥы 9 руха. Амца иамҽханакит 700-800 метр ԥшьыркца агәамсамеиқәыжьра. Иахылҵуа алҩа Гагра ахәҭаки, Пицундеи, Алаҳаӡы ақыҭа зегьи ихчылеит.
Амцарцәара уаанӡа изалмыршахеит аԥша ахьаҵаз иахырҟьаны.