АҞӘА, хәажәкыра 12 - Sputnik. Атуристтә сезон аламҭалаз аурыс-аԥсуа ҳәааҿы аекскурсиатә автобусқәа рааира аамҭа еиҿыркаауеит.
Амҩангаҩцәа атуристтә еиҿкаарақәеи дареи официалла аилаӡара рымоу ирымаму, атранспорт иахәҭоу аҭахрақәа иахьынӡарықәшәо гәарҭоит.
Аҳәаа ахысра аиҿкаара азҵаарақәа ирылацәажәан Шәача ахадара ахаҭарнакцәеи Краснодартәи атәылаҿацә аҟны Аҳәаахьчаратә усбарҭа аусзуҩцәеи реилатәараҟны.
2020-2023 шықәсқәа рзы аҳәааҿы апассаџьырцәеи атранспорти рхыԥхьаӡара шырацәаз атәы рҳәеит. Сынтәа акәзар еиҳагьы еиҳахар ҟалоит ҳәа азгәаҭоуп.