АҞӘА, мшаԥы 20 - Sputnik. Аԥсны ахада Аслан Бжьаниеи Никарагуа иҟоу Аԥсны Аҳәынҭқарра азинмчнагӡа змоу ацҳаражәҳәаҩ Инар Ладариеи еиԥылеит.
Дара 2024 шықәсазы адипломатиатә хыдҵақәа ирылацәажәеит ҳәа аанацҳауеит атәыла ахада ипресс-маҵзура.
Ладариа еиҭеиҳәеит Аԥсни Никарагуеи русеицура аизырҳаразы иҟоу ажәалагалақәа. Аҳәынҭқарра ахада урҭ узызҿлымҳаша акоуп ҳәа рхиҳәааит.