АҞӘА, мшаԥы 21 – Sputnik. II Аԥснытәи амедицинатә форум алахәылацәа Ахьӡ-Аԥша апарк аҟны ашәҭшьыҵәрақәа шьҭарҵеит ҳәа аанацҳауеит Аԥсны агәабзиарахьчара аминистрра.
Аусмҩаԥгатә иалахәын Аԥсни Приднестровиеи ргәабзиарахьчарақәа рминистрцәа Едуард Быҭәбеи Кристина Албули, урыстәылатәи аҭҵаарадырратә еилазаара ахаҭарнакцәа, Аԥсны Агәабзиарахьчара аминистрра аусзуҩцәа.
II Аԥснытәи амедицинатә форум мҩаԥысуеит Аҟша, мшаԥы 22-23 рзы. Уи иалахәуп Аԥсни Урыстәылеи рекспертцәа, Аахыҵ Уаԥстәыла, Приднестровие, Самаркантәи ауниверситет ахаҭарнакцәа.