АҞӘА, мшаԥы 23 – Sputnik. Ааԥынтәи арранаԥхьара иалагеит Аԥсны ҳәа аанацҳауеит Атәылахьчара аминистрра.
Аррахь ааԥхьаразы аус анагӡараҿы ацхыраара ҟарҵоит атәыла ақалақьқәеи араионқәеи рхадацәа, Аԥсны аҩнуҵҟатәи аусқәа аминистрра, Аҵара министрра. Зеиԥшла ахылаԥшра арҭоит Атәылахьчара аминистрра.
Аԥсны ахада Аслан Бжьаниа 2024 шықәса мшаԥы-рашәара амзақәа рзы аҿар арра рнаԥхьарази аррамаҵура зхызгаз арраҟынтә рхы рақәиҭтәрази Аусԥҟа инапы аҵаиҩит.
2024 шықәса мшаԥы 1 инаркны рашәара 30-нӡа 18-27 шықәса зхыҵуа Аԥсны аррамаҵура иахысыр зыхәҭоу аррахь инаԥхьахоит.