АҞӘА, мшаԥы 25 – Sputnik. Аԥсны ахада Аслан Бжьаниа акурорттә аамҭа аҽазыҟаҵара иазкны аиԥылара мҩаԥигеит ҳәа аанацҳауеит атәыла ахада ипресс-маҵзура.
"Ҳтәыла алшара ду амоуп, атуризм - ари асоциал-економикатә ҿиара алагала ду азҭо аекономика ахырхарҭа хадақәа ируакуп", - ҳәа иҳәеит Аслан Бжьаниа.
Атуризм аминистр Ҭеимураз Хышба иҳәеит ҵыԥх ареспублика ишаҭааз 1,4 миллионҩык атуристцәа. Сынтәа атуроператорцәа разгәаҭақәа рыла Аԥсны иаҭаауа аԥсшьаҩцәа 15-25% рыла ишеиҳахо.
Хышба иазгәеиҭеит аԥсшьаҩцәа здызкыло 1025 хыбра ҿыц шыргылоу, ашьҭаларҭатә ҭыԥқәа ракәзар 46 нызқь шацлаз.
Атуристтә аамҭа ишазыҟаҵоу азын аҳасабырбақәа ҟарҵеит егьырҭ аусбарҭақәагьы.
Аҩнуҵҟатәи аусқәа рминистр Роберт Кьиут дазааҭгылеит аԥсшьацәа ршәарҭадареи ацәгьоурақәа раԥырҟәҟәареи рзы имҩаԥырго апрофилактикатә усмҩаԥгатәқәеи аоперативтә уснагӡатәқәеи ртәы.
Аиԥылараҿы ажәахәқәа ҟарҵеит Агәабзиарахьчара аминистр Едуард Быҭәба, АҶА аиҳабы Лев Кәыҵниа, асанитартә ҳақьым хада Алла Белиаева, Аԥсны ашәарҭадаратә маҵзура аҳәаахьчаратә гәыԥ аиҳабы Рустам Латипов, аҭыԥантәи администрациақәа рхадацәа.
Аслан Бжьаниа апхантәи аԥсшьара аамҭа аусбарҭақәа разыҟаҵара бзиоуп ҳәа ахҳәаауа русура иҵекгьы аиӷьтәразы анапынҵақәа риҭеит.