АҞӘА, мшаԥы 26 – Sputnik. Аԥсны аҳазалхыҩцәеи аҩнуҵҟатәи аусқәа рминистрра аусзуҩцәеи аҳәаахьчаратә ҭыԥ "Ԥсоу" аҟны аметадон мҩанызгоз имырхит. Абри атәы аанацҳауеит Аҳәынҭқарратә аҳазалхратә маҵзура апресс-маҵзура.
Аилаҳәарақәа ҩба автомашьына "ВАЗ-2107" акәырша иаҵаҵәахын. Амашьына аԥсҟы икын Аԥсны атәылауаҩ А.С. Петикиан.
Анаркотик азеиԥш капан 0,23 грамм иҟан. Ари аус азы аматериал нашьҭуп Аҩнуҵҟатәи аусқәа рминистрра апроцессуалтә ӡбаразы.