АҞӘА, мшаԥы 29 – Sputnik. МГИМО-и Адипломатиатә академиеи рҭаларазы адокументқәа рыдкылара иалагеит. Абри атәы аанацҳауеит Аԥсны Адәныҟатәи аусқәа рминистрра Амедиацентр.
Алԥшааратә еицлабра иалахәхар рылшоит аԥснытәи абитурентцәа абакалавриати, амагистратуреи, аспирантуреи ирҭало. Азыҳәақәа рыдыркылоит лаҵара 10 асааҭ 18:00 рҟынӡа абри аелектронтә почта ала secretariat@mfaapsny.org.
Акандидатцәа алырхоит Аԥснытәи аҳәынҭқарратә университет арҵаҩцәеи Адәныҟатәи аусқәа рминистрра аусзуҩцәеи.
Аконкурс ианахыслак ашьҭахь МГИМО иҭалар зҭаху атест иахысоит, Адипакадемиа — аԥышәарақәа.