РУСДРАМ
Лаҵара 24 - 25 асааҭ 19:00 рзы — аспектакль "Ахьча Махаз". Арежиссиор-ақәыргылаҩ Олеса Невмержицкаиа.
"Ахьча Махаз" - Фазиль Искандер иҩымҭа "Сандро Чегьемтәи" инарылукааша ановелла. Аԥсуа нхаҩы Махаз иԥҳацәа ргәы нзырхаз шахьирхәуа атәы еиҭаҳәоуп.
Аԥснытәи аҳәынҭқарратә аҿар ртеатр
Лаҵара 22 асааҭ 19:00 рзы — Александр Вампилов ипиеса иалху аспектакль "Аԥеиҳаб". Аиумор зҵоу драматә сиужетуп.
Акультура-усутә ҭыԥ "Гәыма"
Лаҵара 20 — апоезиа ахәылԥаз;
Лаҵара 23 асааҭ 16:00 — аҟазаратә-класс Ианна Пинчук лҟынтәи;
Аҟазара ашкол аушьҭымҭацәа русумҭақәа рцәыргақәҵа;
Лаҵара 24 асааҭ 17:00 — апоезиа ахәылԥаз "Агәеизҳара";
Лаҵара 25 асааҭ 12:00 -18:00 — Аҟәатәи асахьаҭыхымҭатә ҵараиурҭа аушьҭымҭацәа – асахьаҭыхыҩцәеи аскульпторцәеи рцәыргақәҵа;
Лаҵара 26 асааҭ 12:00 — ахәыҷтәы акәашаратә студиа аҳасабырбатә концерт.
Аԥснытәи аҳәынҭқарратә филармониа
Лаҵара 24 асааҭ 19:00 — аурыс романсқәа рыхәылԥаз "Как сладко с тобою мне быть…". Апрограммаҿы Варламов, Глинка, Рубинштеин, Чаиковски, Римски-Корсаков уҳәа егьырҭгьы рромансқәа.
Пицундатәи ауахәама
Лаҵара 26 асааҭ 17:00 — Аԥсны зҽаԥсазтәыз артист Лука Гаделиа иуарӷантә концерт. Далахәуп Кристина Ешԥҳа. Апрограммаҿы ХХ ашәышықәсанӡатәи барокко амузыка.