АҞӘА, лаҵара 22 - Sputnik. Аславиан ҩыреи акультуреи рымш азгәарҭеит Аԥсны иҟоу Россотрудничество Ахаҭарнакра Акультура-рккаратә центр аҟны.
Аславиан ҩыра ахыҵхырҭа аҭоурых азы еицлабуан Аҟәатәи 4-тәи, 6-тәи, 10-тәи, 15-тәи ашколқәа рҵаҩцәа.
Ашколхәыҷқәа маҭәалеи музыкалеи еиқәдыршәеит атеатралтә қәыргыламҭа. Иалахәыз зегьы Россотрудничество Ахаҭарнакра аҟынтәи аграмотақәеи аҳамҭақәеи ранаршьеит. Ажиури аилазаараҿы иҟаз — аурыс классикцәа рышәҟәқәа.