АҞӘА, лаҵара 27 - Sputnik. Ақалақь Иарославль анапхгара Гал иҟоу Аџьынџьтәылатәи еибашьра Ду абаҟа аиҭашьақәыргылара ргәы иҭоуп.
Аусқәа рымҽхак еилкааны абаҟа апроект аԥҵоуп иҳәеит араион ахада Константин Ԥлиа.
Ԥлиа иажәақәа рыла, аганқәа еицырзеиԥшу аекономикатә проектқәа ирылацәажәеит. Иара убас акультуреи аспорти русхкқәа рҟны аусеицура иазааҭгылеит.
Гал араион аделегациа аусутә еилацәажәарақәа рзы Иарославль иҟоуп. Гал араиони Иарославли 2024-2025 шықәсқәарзы еицырзеиԥшу ауснагӡатәқәа рынагӡаразы аиқәшаҳаҭра рнапы аҵарҩит.