Аахыҵ Уаԥстәыла Адәныҟатәи аусқәа рминистрра Қырҭтәыла аԥыза-министри "иреиԥхыӡуа зегьи" ирабжьыргоит рхы рнапаҿы иааганы ртәыла аҩнуҵҟа иҟоу аполитикатә уадаҩрақәеи урҭ рымшала иааигәахо апарламенттә алхрақәеи ирызхьаԥшырц.
Қырҭтәыла Аԥсни Аахыҵ Уаԥстәылеи рырхынҳәразы ирымоу агәаҳәара аӡәгьы иџьеишьаӡом иҳәеит Аԥсны Ашәарҭадаратә хеилак амаӡаныҟәгаҩ Сергеи Шамба. Аԥсны аҿаԥхьа иқәгылоу адҵа хада — ихьыԥшым аҳәынҭқарра аргылара, уи арҿиара, арӷәӷәара ауп, иазгәеиҭеит иара.
Беслан Ҳагба иажәақәа рыла, ас еиԥш аҳәамҭақәа Қырҭтәыла аганахьала еснагь иҟазаауеит, избанзар, ари хьааны, ичмазараны ирымоуп, ҳәа азгәеиҭеит иара.
Қырҭтәыла имҩаԥысраны иҟало алхрақәа атәыла аҩныҵҟа иҟоу аҭагылазаашьа ишаныруа атәы далацәажәеит.
Аицәажәара инеиҵыхны ишәаҳар шәылшоит аудиофаил аҟны.