Қырҭтәыла аԥыза-министр Иракли Кобахиӡе аҳәамҭа ҟаиҵеит ақырҭцәа рыԥхыӡ ишалоу Аԥсни Аахыҵ Уаԥстәылеи рырхынҳәра, 2030 шықәсазы Евроеидгыла иахәҭакны аҟалара. Аполитолог Беслан Ҳагба арадио Sputnik аҟны ари аҳәамҭа ахҳәаа аиҭеит.
Беслан Ҳагба иажәақәа рыла, ас еиԥш аҳәамҭақәа Қырҭтәыла аганахьала еснагь иҟазаауеит. Қырҭтәыла имҩаԥысраны иҟало алхрақәа атәыла аҩнуҵҟа иҟоу аҭагылазаашьа ишаныруа атәы далацәажәеит.
Иара убас, Кобахиӡе иҳәамҭа ахҳәаа арҭеит Аԥсны Ашәарҭадаратә хеилак амаӡаныҟәгаҩ Сергеи Шамбеи Аԥсны Адәныҟатәи аусқәа рминистрреи.
Шәахәаԥш арадиостудиаҟынтәи инарҭбаау авидеонҵамҭа.