АҞӘА, лаҵара 28 - Sputnik. Аԥсны Адәныҟатәи аусқәа рминистр инапынҵақәа рынагӡара идҵоуп аминистр ихаҭыԥуаҩ Одиссеи Бигәаа. Абри атәы аанацҳауеит атәыла ахада ипресс-маҵзура.
Абри азы аусԥҟа инапы аҵаиҩит атәыла ахада Аслан Бжьаниа аҩаша, лаҵара 28 рзы.
Ари аусԥҟа инақәыршәаны Иракли Ҭыжәба ихы дақәиҭтәуп аусбарҭа аиҳабы инапынҵақәа рынагӡара аҟынтәи.
2021 шықәса абҵара 17 инаркны аусбарҭа напхгара аиҭон Инал Арӡынба, иара ари аҭыԥ аанижьит лаҵара 7 2024 шықәсазы. Анаҩс аминистр инапынҵақәа рынагӡара идҵан Иракли Ҭыжәба.