АҞӘА, лаҵара 28 - Sputnik. Урыстәылатәи аспелеологцәа Аԥсны аҳаԥқәа хәба аадырԥшит, абри атәы Sputnik иазеиҭеиҳәеит Ҟрымтәи афедералтә университет атуризми, агеоекологиеи, агеографиеи рфакультет арҵаҩы еиҳабы Геннади Самохин.
Иара иажәақәа рыла, ҳаԥык аҵаулара 24 метра инаӡоит, адгьылаҵатәи аӡыхь амоуп. Аҳаԥы аҭаларҭа ҭшәоуп, уи азы аԥсшьаҩцәа рзы аартра залыршахаӡом, аха аспорттә туризм азы даара аинтерес амоуп.
Егьырҭ аҳаԥқәа 5-10 метра роуп иахьыҟоу, иҵегь иҵаулазаргьы ҟалоит, уажәазы дара ишахәҭоу иҭҵаам.
Арҭ аҳаԥқәа аӡиас Ҳаԥырҩаши дареи еидуп.