АҞӘА, рашәара 1 – Sputnik. Атәыла ахада Аслан Бжьаниа Аԥсны ауааԥсыра Ахәыҷқәа рыхьчара амш рыдиныҳәалеит. Абри атәы аанацҳауеит атәыла ахада ипресс-маҵзура.
"Дарбан хәыҷызаалак игәцаракра, изинқәа рыхьчара — иарбан тәылазаалак аҟны ихадоу зҵаароуп", — ҳәа аҳәоит адныҳәаларатә шәҟәы аҟны.
Бжьаниа иазгәеиҭеит, аҭаацәа аҭакԥхықәра ду шрыду ахәыҷы иааӡаразы, иҳәеит ишхадоу иахьа еиҵагыло абиԥара ииашан реиҵааӡара.