АҞӘА, рашәара 4 - Sputnik. Аҳәынҭқарратә биуџьет аҟынтәи ҩажәижәаба миллион мааҭ азоужьуп арратә госпиталь аполиклиникатә ҟәша аремонт азуразы ҳәа аанацҳауеит Атәылахьчара аминистрра.
Аслан Бжьаниа амедицинатә усҳәарҭа даҭааны ибеит. Аҳақьым хада Алиас Џьынџьал ахада изеиҭеиҳәеит анардадаҩ дшалху, аусурақәа иааиуа амчыбжь азы ишрылаго.
"Иара убасгьы агоспиталь аҿы аремонт рызуп ахирургиа, ареанимациа, анестезиологиа рыҟәшақәа, аԥҟарҭақәа ҩба, алабораториаҿы ахәҭактә ремонт ҟаҵоуп", - ҳәа иҳәеит Џьынџьал.
Аҳәынҭқарра ахада агоспиталь ҳамҭас иеиҭеит имҩанырго УЗИ-аппарат. Уи абзоурала апациентцәа уахи-ҽни агәаҭара рахыжьра аулоит.