АҞӘА, рашәара 13 - Sputnik. Аԥснытәи аспортсмен Раҳман Напиџьев аџьаз даԥсахеит БРИКС ахәмаррақәа рҟны асамбо аза аицлабрақәа рыҟны аџьаз даԥсахеит ҳәа аанацҳауеит аҿари аспорти русқәа рзы аҳәынҭқарратә еилакы.
Уаанӡа, афинал ахь анеираз Узбекистантәи асамбист иареи реиндаҭлара аҟны даҵахахьан. Аха ахԥатәи аҭыԥ азын Таџьикистантәи аспортсмен даҵаирхеит.
Ҩыџьа Аԥснытәи аспортсменцәа Анастасиа Погосоваи Ислам Абитови ирықәымҿиеит.
БРИКС ахәмаррақәа мҩаԥысуеит Казан рашәара 12-23 рзы. Урҭ ирылахәуп Аԥсны назлоу атәылақәа 91. Ҳтәыла ахьӡала иқәгылоит 62-ы аспортсменцәа 13 спорт хкы рыла. Иахьа аԥсуа спортсменцәа рымчқәа ԥыршәоит абарҭ аспорт хкқәа рыҟны: аԥқьаҭмпыл, пинг-понг, ушу, самбо, атлетика хьанҭа.
Уи адагьы, Урыстәыла еизгоу ихьанҭоу атлетиказы акоманда далан дықәгылоит аԥснытәи аспортсмен Елҟан Гәазаа.