Аԥсны атәылахьчара аминистр иқәҵарала рашәарамза 15 рзы Аҟәатәи иреиҳау азеиԥштә арратә ҵараиурҭа афицарцәа 17-ҩык алеитенант ичын рыман рҵара хдыркәшеит иҳәеит арратә ҵараиурҭа аиҳабы ихаҭыԥуаҩ, аполковникеиҵбы Алмас Адлеиба.
Арратә ҵараиурҭа аушьҭымҭацәа рвзвод адҵаҟаҵаҩ, ақаԥдан Алиас Амаба иажәақәа рыла, аушьҭымҭацәа арратә зыҟаҵара ӷәӷәа рымоуп.
Аҟәатәи иреиҳау азеиԥштә арратә ҵараиурҭа аҭаларазы ашәҟәқәа рыдкылара иалагоит рашәарамза анҵәамҭазы.
Шәахәаԥш арадиостудиаҟынтәи инарҭбаау авидеонҵамҭа.