АҞӘА, рашәара 20 - Sputnik. Асовет Еидгыла Афырхаҵа Варлам Габлиа ибаҟа ықәдыргылоит Очамчыра.
Апроект аус адырулоит аскульпторцәа Амиран Адлеибеи Руслан Габлиеи. Абри атәы аԥыза-министр Александр Анқәаб иарҳәеит акультура аминистр инапынҵақәа назыгӡо Динара Смырԥҳаи Руслан Габлиеи.
1,8 метра агылара змоу апостамент иқәыргылахоит 1,1 метра ишьҭыху абиуст.
Асовет Еидгыла Афырхаҵа Варлам Габлиа диит абҵара 12 1902 шықәсазы Тамшь ақыҭан. Аџьынџьтәылатә еибашьра Ду ашықәсқәа рзы раԥхьа аминаршәҩыс дыҟан, анаҩс аминаршәгатә гәыԥ напхгара аиҭон. Деибашьуан Кавказ нхыҵи аахыҵи, ахԥатәии аԥшьбатәи Украинатәи афронтқәа рҟны.