АҞӘА, рашәара 23 — Sputnik. Аԥсны Аҳәынҭспортеилакы аиҳабы Ҭарашь Ҳагба Казан диԥылеит Урыстәыла Аспорт аминистр Михаил Дегтиариов, абри атәы аанацҳауеит аилак апресс-маҵзура.
Дегтиариов Аԥсны раԥхьатәи ахьтәы медал аиуреи иааизакны БРИКС ахәмаррақәа рыҟны рықәҿиарақәеи рыдиныҳәалеит.
"Аԥсуа жәлари, аспорттә уаажәларреи, атәыла ахадеи ирыдысныҳәалоит. Аспортсенцәа ишырҳәо еиԥш, "физкульт-привет", - иҳәеит Дегтиариов.
Ҳагба Дегтиариов идиныҳәалеит аспорт аминистрс дахьыҟарҵаз. Иазгәеиҭеит Аԥсны 30 шықәса раахыс жәларбжьаратәи аицлабрақәа аҽрылархәраз алшара шырмоуаз, уи ахьалыршахаз иҭабуп ҳәа иеиҳәеит.