Риҵатәи ареликттә милаҭтә парк аҵаракыраҿы иԥшаауп аҵиаа ҿыц — Иатрышник Шпитцелиа. Уи аҭҵаарыдарратә усзуҩцәа Ачибах имҩаԥыргоз аекспедициа иалҵшәахеит. Зыҩаӡара ҳараку, анаӡара ахьыуадаҩу апарк ахәҭақәа рҟны ас еиԥш иҟоу аекспедициақәа рымҩаԥгара даара кырзҵазкуа усуп, уи иацу ауадаҩрақәеи, ахарџьи, ауаҩытәыҩсатә ресурс азымхареи арадио Sputnik аҿы дрылацәажәеит Риҵатәи ареликттә милаҭтә парк аҭҵаарадырра аҟәша аиҳабы Инга Ҭаниаԥҳа.
Шәахәаԥш инарҭбаау авидеонҵамҭа.