10 шықәса ҵуеит Нижни Новгороди Аҟәеи аиашьара зыбжьоу қалақьқәаны иҟоижьҭеи. Урҭ реиҭанеиааира аҳәаақәа ирҭагӡаны сынтәа раԥхьаӡа акәны аԥсуа ҿар апатриоттә лагерь иалахәхоит.
"Ашколқәа рыбжьара имаҷымкәа аусурақәа мҩаԥган. Урҭ ируакуп, “Десантникс сҟалар сҭахуп” захьӡу апатриоттә лагерь, Нижни Новгород аус зуа. Ҵыԥхгьы иҳаман уахь ааԥхьара, аха ҳақәымшәаӡеит. Сынтәа уаантә иаҳзааит аҿар. Ҳҵаҩцәагьы шьҭа уахь иҳашьҭуеит нанҳәамзазы. Иалхын 16-ҩык иреиӷьу ахәыҷқәа", - ҳәа еиҭалҳәеит Ҭаркьылԥҳа.
Аиҿцәажәара инеиҵыхны ишәаҳар шәылшоит аудиофаил аҟны.