АҞӘА, ԥхынгәы 8 - Sputnik. Ииасыз амчыбжь иалагӡаны хәҩак ауаа ҭахеит амҩатә машәырқәа рҿы иҳәеит Аԥсны Аҳәынҭавтоинспекциаҟны имҩаԥысуаз аилацәажәараҿы аҩнуҵҟатәи аусқәа рминистр Роберт Кьиут.
Урҭ хадаратәла ҿарацәоуп, амашәырқәа еиҳарак мзызс ирымаз арыжәтә ыжәны амашьына аԥсҟы акроуп ҳәа аанацҳауеит аусбарҭа апресс-маҵзура.
АҩАР амҩақәа рҿы аҭагылазаашьа узыцәшәашоуп ҳәа азгәарҭоит, ахылаԥшра акәзар, иԥсыҽны ирыԥхьаӡоит. Аминистр ихаҭыԥуаҩ Беслан Ҷкадуа иажәақәа рыла, аусура рӷәӷәахоит абри аганахьала, араионқәа зегьы рыҟны апатрульқәа аус рулоит арыжәтә ыжәны амашьына иақәтәоу раанкыларазы.