АҞӘА, ԥхынгәы 15 – Sputnik. Аԥснытәи аделегациа алахәуп Грозныи имҩаԥысуа Кавказтәи аинвестициатә форум.
Аԥсуа делегациа иалоуп: аԥыза министр ихаҭыԥуаҩ, аекономика аминистр Кристина Озган, аԥыза министр ихаҭыԥуаҩ, афинансқәа рминистр Владимир Делба, аекономикатә политиказы апарламенттә хеилак ахантәаҩы ихаҭыԥуаҩ Бадрик Ԥлиа, Абжьаҟазаратә ӡбарҭа ахантәаҩы Фатима Кәыҵниаԥҳа.
Афорум апрограмма атематикатә хәҭақәа рыла ишоуп -- аинвестициақәа, абанктәи афинансқәеи рсектор, ацифратә економика, анаплакра, ааглыхра, ақыҭанхамҩа, ретеил, амедиақәа, асанаторттә-курорттә хырхарҭа, атуризм, атраснспорти алогистикеи, аенергетика.
Есышықәса имҩаԥысуа афорум сынтәа иатема хадоуп — "Кавказ Ду — мшынк инаркны мшынк аҟынӡа". Ауснагӡатә амшхәаԥштә Нхыҵ-Кавказтәи аокруг аинвестициақәа радԥхьаларазы арҿиара азҵаара хадақәа ирызкуп.