АҞӘА, ԥхынгәы 26 - Sputnik. Арт-фестиваль "Аԥсны. Total soul" аатит Аԥсны
Аԥхьатәи ауснагӡатә - Аҟәатәи абаа аҵакыраҟны, ара аҳәынҭуниверситет аҭоурых факультет актәи акурс астудентцәеи ахәыҷқәеи злаху ажрақәа мҩаԥысуеит.
Аусурақәа напхгара риҭоит ААУ аҭоурыхтә факультет адекан Алик Габелиа. Иара еиҭеиҳәеит аусурақәа хымш асааҭ 8 инаркны 11 рҟынӡа ишымҩаԥысло.
"Ажрақәа ирылахәуп ахәыҷқәа, дара астудентцәа-археологцәа аус шулатәу ддырбалоит. Сгәанала, уи ахәыҷқәа рзы ихәарҭоуп. Нас иԥшаахо аматериалқәа аус рыдааулоит. Ихадароу дара аинтерес рызцәыргароуп", — иҳәеит иара.
Жәларбжьаратәи арт-фестиваль "Аԥсны. Total soul" ареспубликаҿ имҩаԥысуеит ԥхынгәы 26 - 28 рзы. Мҽхакыҭбаала акультуратә уснагӡатәқәа ахьымҩаԥысша ҭыԥк аҳасабала Аԥсны аӡыргароуп хықәкыс иамоу.
Sputnik Аԥсны — афестиваль аинформациатә дгылара анаҭоит.