АҞӘА, нанҳәа 3 - Sputnik. Аԥснытәи аҽааӡаҩцәа рҽыҩқәа аиааира ргеит Краснодар имҩаԥысуаз аҽырыҩраҿы ҳәа аанацҳауеит аҳәынҭспортеилакы.
Аԥсны аҿари аспорти русқәа рзы Аилак аҽы Колхида Терск актәи аҭыԥ агеит 1600 метра хышықәса зхыҵуа араԥ ҽыҩқәа реиԥхныҩлараҿы.
Ахра Ашәба иҽы Старк актәи аҭыԥ агеит 1800 метра хышықәса зхыҵуази еиҳази араԥ ҽыҩқәа реиԥхныҩлараҿы.
Беслан Аԥҳазаа иҽыҩ Винташ актәи аҭыԥ агеит 1400 метра иҟаз аиԥхныҩлараан ҩышықәса зхыҵуа англыз ҽыҩқәа рыбжьара.