АҞӘА, нанҳәа 3 - Sputnik. Аԥсны ахада Аслан Бжьаниа Урыстәыла Аҳаир-десанттә ар аԥҵоижьҭеи 94 шықәса аҵра аҳаҭыраз Санкт-Петербург имҩаԥгаз аныҳәа далахәын.
Атәыла ахада иажәақәа рыла, ари аныҳәа ԥасатәи Асоветтә Еидгыла ареспубликақәа зегьы рыҟны иазгәарҭоит.
Аусмҩаԥгатә ахыркәшамҭаз Аслан Бжьаниеи Аҳаир-десанттә ар 345-тәи аполк аветеран Александр Герашьенкои Петропавловтәи абаа абзарбзан ала аицҭырҟьа аурышьҭит.