АҞӘА, нанҳәа 5 - Sputnik. 700-ҩык инареиҳаны Аԥснытәи аҳәынҭқарратә университет абакалавриати амагистратуреи ирхыԥхьаӡалахоит аҩбатәи аҵараиура апрограмма инақәыршәаны.
2024-2025 аҵаратә шықәсқәа рзы адокументқәа рыдыркылон 35 азыҟаҵаратә хырхарҭеи 44 арҵаратә программеи рыла. Убри аан абиуџьеттә ҭыԥқәа 397 ыҟан.
Сынтәа абитурентцәа зызҽлымҳахаз 20 занааҭ рҟынтәи аиҳараҩык иалырхит "аекономикеи" "азиндырреи". Адкылара хада анхыркәшаха ашьҭахь, 12 хырхарҭала иназыцҵоу адкыларазы алаҳәара ҟаҵан.