АҞӘА, нанҳәа 8 - Sputnik. Женеватәи аиҿцәажәарақәа даҽа ҭыԥк ахь риагара алацәажәара заауп ҳәа иҳәеит Сергеи Шамба.
Ареспубликазы арҭ аиҿцәажәарақәа акыр рыҵаркуеит, Аԥсны апозициа аанарԥшыр ахьалшо, Қырҭтәылеи иареи реинырразы иакзаҵәыку жәларбжьаратә еимадароуп ҳәа иҳәеит РИА Новости аинтервиу аҭо.
2008 шықәса раахыс Женева имҩаԥысхьеит аиҿцәажәарақәа рраундқәа 61. Изаамҭанытәиу аиҿцәажәарақәа мҩаԥысраны иҟоуп 2024 шықәса абҵарамзазы.