Аԥсны Жәлар рартист Кандид Ҭарба ихьӡ зху Аҳәынҭқарратә акәашаратә ансамбль "Кавказ" сынтәа 30 шықәса ахыҵит.
Ансамбль ахьӡ машәыршақә иҟалаз акакәым, "Кавказ" ахьӡ ахала аҿахәы аҳәоит, Кандид (ансамбль раԥхьатәи анапхгаҩы, аԥҵаҩы- азгә.) Аԥсны раԥхьатәи ахада Владислав Арӡынба иҟны днеины игәҭакы анеииҳәа даара адгылара иҭеит ҳәа игәалаиршәоит Аԥсни Ҟарачы-Черқьестәылеи Жәлар рартист, ансамбль асахьаркыратә напхгаҩы Арвелод Ҭарба.
Иахьа ансамбль 52-ҩык акәашацәа еиднакылоит иҳәеит иара.