АҞӘА, нанҳәа 9 - Sputnik. Аԥсни Урыстәылеи рҟынтәи ақәрақәа зегьы ирыҵанакуаз 130-ҩык ашахматасыҩцәа алахәын XXI Жәларбжьаратәи ашахматтә фестиваль "АԥсныОпен-2024" аҳәаақәа ирҭагӡаны имҩаԥысуаз аицлабра "Аԥсны-2024".
Аицлабраҿ А аҿы аиааира игеит Сергеи Нефиодов.
Аиааирақәа згаз:
амилаҭтә реитинг змаз алахәылацәа рыбжьара — Тристан Кәарацхьелиа, Ҭемыр Шьанаа, Артиом Табариан,
аветеранцәа рыбжьара — Сергеи Назариов, Валери Шангин, Леонид Злачевски,
арԥарацәа рыбжьара — Артиом Лапин, Нестор Багаҭелиа, Рамин Сидик,
аҭыԥҳацәа рыбжьара — Сарида Лакәатааԥҳа, Лана Гәынԥҳа, Татиана Павлова,
аҳәса рыбжьара— Маргарита Череповскаиа, Ксениа Манина.
Аԥхьахәқәа ааныркылеит аҷкәынцәеи аӡӷабцәеи рыбжьара 7, 9, 11, 13 шықәса рҟынӡатәи акатегориақәа рыла.
Алахәылацәа зегьы ахраҿақәа, амедалқәа, аҳаҭыртә шәҟәыбӷьыцқәа, аԥаратә ҳамҭақәа рыҭан.
Афестиваль мҩаԥган Аҿари аспорти рзы ахеилак афинанстә цхыраарала. Аԥсны иҟоу Россотрудничество Ахаҭарнакра ишьаҭанаркит аԥхьахә ҷыдақәа.