АҞӘА, нанҳәа 12 - Sputnik. Аԥсни Урыстәылеи рзакәанԥҵарақәа реишьаршәаларазы аусмҩаԥгатәқәа рыхәҭа дук нагӡоуп, абри атәы аанацҳауеит ареспублика аекономика аминистрра апресс-маҵзура.
Урҭ рахьтә хәба ҳазҭоу ашықәс азы инагӡан: аинтеллектуалтә хатәтәра ҳәаақәызҵо Атәылауаҩратә закәанеидкыла аԥшьбатәи ахәҭа, атәылауаа рсоциалтә маҵзура хадақәа рзы азакәан, авалиутатә ҭышәынтәалареи авалиутатә хылаԥшреи рзы азакәан, ҩынтәтәи ашәахтәқәҵара ҟамларци арҳамҭақәа рзы ашәахтә аганахьала ашәахтәқәҵара ацәхьаҵра алмыршареи рзы аиқәшаҳатра анапаҵаҩра.
Апрограмма хыркәшахоит 2025 шықәсазы. Аусутә гәыԥ ацхантәаҩцәа - Аԥсны аекономика аминистр Кристина Озгани Урыстәыла аекономикатә ҿиара аминистр ихаҭыԥуаҩ Дмитри Вольвачи.