АҞӘА, нанҳәа 12 - Sputnik. Аԥсны атәылахьчара аминистрра аделегациа алахәуп жәларбжьаратәи арра-техникатә форум "Армия-2024".
Аделегациа иалоуп аминистр Владимир Ануеи, уи ихаҭыԥуаа Нодар Аҩӡбеи Давид Бжьаниеи ҳәа аанацҳауеит аусбарҭа апресс-маҵзура.
Афорум мҩаԥысуеит нанҳәамза 12 инаркны 14 рҟынӡа Москватәи аобласт аҟны, аиҿкааҩцәа — Урыстәыла атәылахьчара аминистрра. Сынтәа ауснагӡатә иалахәуп 83 тәыла рхаҭарнакцәа.