Аԥсны Аџьынџьтәылатә еибашьра аԥсуа иԥсҭазаара зегьы аазырҳәыз ҭоурыхтә аамҭа хҵәаханы иҟалеит. Иахьа 32 шықәса ҵит ақырҭуа мпыҵахалыҩцәа Аԥсны иақәлеижьҭеи. Аԥсны жәлар Рџьынџьтәылатә еибашьра цон 413 мши-ҵхи.
Аԥсны Мрагыларатәи афронт аҟны еибашьуаз Леон иорден занашьоу Валери Бганбеи Мраҭашәаратәи афронт аибашьҩы, Ешыра-Афонтәи абатальон аҩбатәи арота адҵаҟаҵаҩы, Аԥсны Афырхаҵа Игор Џьниеи иргәаладыршәеит аибашьра ахҭысқәа.
Аицәажәара шәаҳар шәылшоит аудиофаил аҟны хыхь.
Аԥсны жәлар Рџьынџьтәылатә еибашьра адәаҿы иҭахеит 1716-ҩык аԥсадгьыл ахьчаҩцәа, Аиааира ашьҭахь аҳәааҿы иаҳцәыршьит даҽа 407-ҩык аҵеицәа. Аибашьра иахәхаз, абџьар иаҵагылази аҭынч уааԥсыреи рхыԥхьаӡара ааидкыланы ԥшь-нызқьҩык рҟынӡа инаӡоит, хабарда ибжьаӡыз аламҵакәа.
Аԥсны иаиуз аекономикатә ааха 11 миллиард доллар рҟынӡа артәеит. Аҭҵаарадырреи, акультуреи, аҭоурыхи ирыҭаз аԥхасҭа шәашьагьы амам.