АҞӘА, нанҳәа 16 - Sputnik. XXII Жәларбжьаратәи аклассикатә музыка фестиваль "Хьыбла Гьерзмааԥҳа шәаалыԥхьоит" ахԥатәи аконцерт "Где-то далеко, в памяти моей…" аатит Аҟәа.
Апрограмма шьақәгылоуп асоветтә аамҭазы 1940-1970 шықәсқәа рзы иаԥҵаз арҿиамҭақәа рыла, урҭ рхыԥхьаӡараҿы иҟоуп "Смуглянка", "Темная ночь", "Катюша", "Журавли".
роиаль аҿы дыхәмаруеит еицырдыруа Олег Аккуратов. Аоператә шәаҳәаҩы лажәақәа рыла, аконцерт агәыҳалалра иазкуп, еидкылахо аԥарақәа ахыԥхьаӡалахоит 11 шықәса зхыҵуа, иӷәӷәоу алимфобласттә леикоз здырбалаз Фридонна Аҩӡԥҳа лыцхырааразы.
Амузыкатә фестиваль "Хьыбла Гьерзмааԥҳа шәаалыԥхьоит" Аԥснытәи апрограмма хә-концертк рыла ишьақәгылоуп. Аҽа ф-концертки аҟазаратә-классқәеи Урыстәыла ақалақьқәа рыҟны имҩаԥысуеит, ҩба – Китаи.