Аԥсуа ҳәынҭқарратә аҿар ртеатр 10 шықәса ахыҵит. Арадио Sputnik астудиаҟны Аҿар ртеатр аиҳабы Аслан Еныкьи актиор Мдар Сақаниеи еиҭарҳәеит арҭ ашықәсқәа ирылагӡаны арҿиаратә гәыԥ ирылшази, ррепертуар иалагалаз аспектакльқәеи ртәы.
2014 шықәсазы иаԥҵан Аҿар ртеатр. Раԥхьа асценахь ицәырҵит акомедиатә спектакль "Ҳаԥсыуаауп, ҳаԥсыуаа!" ала. Арҭ ашықәсқәа ирылагӡаны еиуеиԥшым ажанрқәа рыла 30 спектакль ықәнаргылеит. Агастроль мҩаԥыргахьеит Москва, Маиҟәаԥ, Черқьесск, Нальчик, Махачкала, Краснодар ақалақьқәа рҟны.
Атеатр аилазаараҿы ихәмаруа актиорцәа Аԥснытәи аҳәынҭқарратә университет афилологиатә факультет "актиортә ҟазара" аҟәша аушьҭымҭацәа роуп.
Шәахәаԥш астудиаҟынтәи инарҭбаау авидеонҵамҭа.